كلمات فتنة الحفل فيصل المداريه
الحفل كله بشر عادي وحوريه
لبيه يا أفخم بنات الجيل وخياره
لبيه يا الهيكل اللي ما خلق زيه
لبيه يا سالفة عمري ومشواره
يا محطمة كل الأرقام القياسيه
عينك ليا سلهمت تسوى مية غاره
والا ترى باقي النظرات عاديه
وعينك عن الشمس ما تحتاج نظاره
رمشك على العين نظارات شمسيه
للزين معيار وانتي فوق معياره
يا اجمل معاني الفخامه والرفاهيه
مري وبري بنات الشام بزياره
حتى يعرفون وش معنى الرومانسيه
ومري مع الحاره وشوفي هل الحاره
محنطين ولو قلوبهم حيه
يا فتنة فيك كل طارت أنظاره
متى تزين الظروف وتسهل الجيه
أصبحت في عالم مانيب مختاره
وأمسيت ماعاد اميز ذيك من ذيه
الوقت ضيق علي ودق مسماره
والحظ نصراني وامه يهوديه
من حر فرقاك باح القلب باسراره
ولا جيت بكتب غزل سويت مرثيه
الفكر منهار والأعصاب منهاره
وكل الحركات عندي لا إراديه
كلمات اغاني فيصل المداريه فتنة الحفل
غناء : فيصل المداريه
كلمات : مشعل بن محيلب
الحان : فيصل المداريه