كلمات فرحة العيد ماجد خضير
عمت جميع الناس من غير تحديد
عيدك مبارك يا هوى الروح وسعيد
والله يعيده بالهناء والمسرّه
حبيت اعايد كل غالي واهنيّه
واخصه من الخلق بسمه واسميّه
معايدة قلب ٍ يحبّه و يغليه
ليت النسيم اللي حملها يمرّه
يا بهجة الاعياد ما نيب ناسي
لو يلعب النسيان بافكار راسي
عسى محبيني وربعي و ناسي
من عايدين العيد في كل مرّه
يا الله تزيل الهمّ والغمّ عنّا
بامرك كورونا تنصرف عن طنّا
ونسلم من اعراض المرض ونتهنّا
بامن رخاء واحوالنا مستقرّه
حظر التجول ينتهي ماله اسباب
اللي يطق الباب نفتح له الباب
ترجع زيارات القرايب والاحباب
مثل ما كانت بالوفاء مستمرّه
والخاطر المكسور يجبر ويرتاح
جاه الفرج من يوم عنه الشقاء راح
تعيش كل الناس باعياد وافراح
وطعم الليالي بين حلوه ومرّه
اقولها والمستمع عاد عيده
عسى عليه العيد ربي يعيده
ويعيش عمره بالحياه السعيده
ما يشتكي من جور ٍ شي يضره
يا طير عطني ريش وجناح واطير
واسابقك على السحاب المزابير
واتل قلبي من لحن ماجد خضير
بحبال صوته قام قلبي يجرّه
معلومات الاغنية
كلمات : سداح العتيبي
أداء : ماجد خضير
توزيع : تون لايف
تصميم : ناصر البقمي
كلمات اغاني ماجد خضير فرحة العيد
غناء : ماجد خضير
كلمات : سداح العتيبي
الحان : ماجد خضير