كلمات فريني نصرت البدر
بعد يا دنيا فريني
بعد زيدي القلب عله
انا مثل ستكان الجاي
شما انخاط اصير احلى
..
اعثر عادي بس ما اطيح
انا الما اعرف الذله
ما ادام الله باقي وياي
عادي كلها تتخلى
..
وبعد شيصير خلي يصير
قلبي الغالي ما ارخصه
انا الشايف بلاوي هواي
لا تنعد ولا تحصى
..
بعد يا دنيا فريني
بعد زيدي القلب عله
انا مثل ستكان الجاي
شما انخاط اصير احلى
..
بعد يادنيا تعبيني
بعد ودي علي بلوه
عراقي وما يهمني احد
شما يمشي الوكت اقوى
..
رغم كل اليصير وياي
تضل اشفافي مبتسمه
ما هزتني شده بيوم
وما طيحتني كل ازمه
..
اعثر عادي بس ما اطيح
انا الما اعرف الذله
ما ادام الله باقي وياي
عادي كلها تتخلى
..
واني اسمي عراق الخير
كل الطيب من كاعي
غيرو كلشي بالدنيا
وابد ما غيرو اطباعي
معلومات الاغنية
كلمات - ابو حسن العقابي
الحان - نصرت البدر
توزيع - غصين سبيروس
اشراف عام - نصرت البدر
التسجيل - ستوديوهات نصرت البدر
Network Administrator - حسوني البدر
كلمات اغاني نصرت البدر فريني
غناء : نصرت البدر
كلمات : ابو الحسن العقابي
الحان : نصرت البدر