كلمات فزعة قحطان ناجي بن باصم
ياقوي حيلك اقوى وترحم وتهدي
كل ما ضاقت علينا وضيعنا الدليل
اسمك الاول ولا بسم غيرك نبتدي
الحمول الكايده تجعل الصاحي عليل
تخلف الرجال وتقرب الحظ الردي
ال سعدا مبتلين ب حمل ما يحيل
غير بالراس الحماوي وبالكف الندي
ال عيفان يصيحون بالصوت الطويل
يابني عمي حزامي وعزي وسندي
وين صبيان الملاحيق مروين الصقيل
طوحوا بالصوت تكفون في كل إسعدي
والجحادر ياهل العز والمجد الاصيل
ربع عود قال ذا حكمي ونجد بلدي
افزعوا تكفون للي شكوا الحمل الثقيل
ياالجحادر كان ما شفتكم وين اغدي
وياقحطان امتانكم لا طغى الكايد تشيل
ولا ذكرت انكم بني عمي اقول بعدي
انطح بهيبتكم الجمع وانافس سهيل
وآصل بتاريخكم واسمكم نجم الجدي
افزعوا للي عليهم من الايام ميل
وكل ما صاح ابن عمك لزوم انك تعدي
كل منهم قال ربعي ولاني من قليل
ويش حيلي يابني عمي ويش جهدي
من بعد سبعة عشر عام في السجن المهيل
شايبه يقول ياكبر همي ونكدي
وامه تقول اينكم يامزبنة الدخيل
افزعوا لي وابعدوا السيف من راس ولدي
كلمات اغاني ناجي بن باصم فزعة قحطان
غناء : ناجي بن باصم
كلمات : عبدالرحمن بن قربع السنحاني
الحان : ناجي بن باصم