كلمات فكاكة الانشاب جفران بن هضبان
وحنا تحت جبروت ملكه وسلطانه
وحامت هواجيسي على عالي المرقاب
كما طير حر يوم يكفخ بجنحانه
صحيح النوادر في بحور القصيد صعاب
ولا كل شاعر جاب لوله ومرجانه
ابي لي بيوت نادرة تلفت الالباب
ليا شالها جفران بالصوت والحانه
بيوت فريده كنها الجوهر الجذاب
على جيد حسنا هايفة خصر فتانه
ما دام ان مالي عذر في الماقف الغصاب
دعاني فهد راع المواجيب و اخوانه
ولد خاتم اللي من زبن حلته ماخاب
عسى جنة الفردوس والخلد مسكانه
ابو ماجد اللي ما حسب للخصيم حساب
يعز الرفيق ويخضع رقاب عدوانه
وخاتم كريم و طيب الاصل والانساب
بيوت الشرف و العز من عهد جدانه
ولو غاب خاتم منهجه والكرم ما غاب
عياله ترا ماسكروا باب ديوانه
تقول ان جنب بيوتهم يا فهد قصاب
لاطبوا لسوق الجلب يخلون مرحانه
وراع الحشو كثرت فلوسه و حظه طاب
بعد كان في ضيق وتعاسه على شانه
من الاد مطهف تمن الخايف المرتاب
تجير الدخيل و توفي الدين ديانه
بن الحارث اهل المجد فكاكة الانشاب
لاثار الرمك واشتد عجه ودخانه
لنا سيرة بين العرب تتعب الكتاب
بالامجاد مليانه وبالفخر مليانه
انا بختصر لو كان قافي بعد ما شاب
كلام الرجل محسوب ولسانه حصانه
و نطلب رضا الله ربنا الواحد الوهاب
ختام الكلام و زبدة الهرج نيشانه
شديد العقاب وقابلن توبة التواب
له الفضل والمنه والاجلال سبحانه
معلومات الاغنية
مرحبا يامرحبا في حفل ماضين الفعايل
حفلهم ماله مثيل ونارهم يشعل سناها
عند ابن خاتم فهد نعمين يا وافي الخصايل
من بني عباد وجبال تذري من نصاها
ايه يا بنيوس ياقيف مخضبة السلايل
حارثيا له مكانه عاليه محدن رقاها
كلمات اغاني جفران بن هضبان فكاكة الانشاب
غناء : جفران بن هضبان
كلمات : سعد بن مهوس المسيلي الحارثي
الحان : جفران بن هضبان