كلمات فكه وكاشات عوض عبد العزيز
وبلاش طيابة عشان بقت دلوقتي عيب
اوعي تعيش بحترام
وسط ولاد الحرام
دول ناس تاكل مال النبي ومالهاش حبيب
الدنيا ديما تدي للي مايخافوش
وابو قلب طيب هوا دة اللي ماتدلوش
صحصح لا يغفلوك
هتحب هيكرهوك
وان جد جة وقالك شاريك ماتصدقوش
بعد المجاملة وبعد ماتخلص سلام
جرب وعد وشوف صوابعك نقصو كام
ماتسيبش الدنيا تاخدك
او تفتح فيها صدرك
وبلاش غرور لحسن هتتاكل قوام
في الدنيا عالم عايشة بس علي الاذة
وعينيها جوا حياتنا باصة مركزة
اوعي تغمض عينيك
دة في لحظة يضحو بيك
صعب انهاردة تلاقي خلق كويسة
لو عشت طيب في الزمان دة اكيد هتتعب
الناس بقت دلوقتي عالحبلين بتلعب
لو تسكت او تخاف
تتاكل يابني حاف
وهتبقي فرجة ومستحيل علي حد تصعب
زمن الفلوس والفكة والشيك والكاشات
لو كان معاك كوش وفك الكيس وهات
بس اللي ممعهوش
صدقني مايلزموش
والطيبة راحت وقتها وزمنها فات
كلمات اغاني عوض عبد العزيز فكه وكاشات
غناء : عوض عبد العزيز
كلمات : سامح الكومي
الحان : علاء غنيم