كلمات فليكن مشروع ليلي
بيعني حلم يهرّبني
عم لفلف لحالي بتَخْتِي
كل ما يمّر المسحّراتي
لبّسني ضحكتي
ما الفرحة بتلبَقلِي
فليكن ما يكون بدي كون بعدني واقف عم غنّي
والإيام مثل الطاحون
أستهلك لذا أكون
حتى خيالي صار مرهون
بس اللّيل مش عم بيهُون
والناس حولي غريبين
مش أموات ولا عايشين
لو إيّامي معدودين
عم بعزف جوّات ڤيترين
بس بلبس ضحكتي
والفرحة بتِلبَقلي
فليكن ما يكون بدي كون بعدني واقف عم غنّي
كل النهار عم كِزّ باسناني
بوعى وعزرائيل قدامي
كلّن هون إيام الجوازة
بمشي لوحدي بالجنازة
تائه كأنني سفينة
فاضية بلا شي يرسيني
مروان تعا لهون وامسكني
قول لي بكرا الحال بيمشي
مش رح إستقبل الضيوف
لمّا بيتي عم بِيطوف
مش رح إستقبل الضيوف
كل شي حَوْلي عم بِيطُوف
بس بلبُس ضحكتي
والفرحة بتلبَقلي
فليكن ما يكون بدي كون بعدني واقف عم غنّي
كلمات اغاني مشروع ليلي فليكن
غناء : مشروع ليلي
كلمات : غير معروف
الحان : غير معروف