كلمات فنجال التحدي جفران بن هضبان
ابي مكانن مايجي حوله رسال وكهربه
كن الصدر في داخله غزوه مثل غزوة حنين
اسمع صليل سيوف وصهيل الخيول المنجبه
تسببت في ضيقة الخاطر وقطع الاكسجين
لكن فنجال التحدي والله اني لشربه
تقادح افكاري مثل قدحة رصاص المارتين
والبيت يشبه طلقة العبرود لاجيت اكتبه
اليا سبكت البيت صار ارسا من الحرز المكين
مايعتليه الا السحايب والنجوم المرقبه
واثق بشعري والثناء لله ربع للعالمين
معطيني الله شعر مجمل وعرف وموهبه
حنا هل الشعر الحقيقي كل وقت وكل حين
وعزومنا اتخل الجبال السود مثل الدبدبه
موروثنا الشامخ نفاخر به على مر السنين
وكل يماري في تواريخه ومجده وعربه
واليوم في مزاين عطايالله مهجرعت الحنين
ياهل البل اللي مانتبه نصيحتي له ينتبه
جاكم من العتبان راس اصوك وجنبن مايلين
يبي يجيله وقعن تشيب الصوابر بسببه
غازي بن ربيع هذا نجمن تعلا الفرقدين
المجد هذا نجمه الساطع وهذا كوكبه
غازي بن ربيع سوات السيف والضلع الزبين
في كل يوم بفعله الذرب يترقا مرتبه
منصى بني عمه وبيته مدهلن ل الطيبين
المدح ضيف وغازي ربيع تراه معزبه
مدات جوده ماتشابه غير همال الغشين
وفي الفعل كنه طارق بن زياد فاتح قرطبه
يبو النصر يامعقل الامداح ياذرب اليمين
في ذمتي مالك مع اقرانك وصيف ولا شبه
مطنوخ ومعرب ولك رايه ولك راي ثمين
مستولي كون الفخر من مشرقه لا مغربه
على شداد العز في طاله وفي دنيا ودين
دامك من عتيبه هل الامجاد والربع ذيبه
حواتم الهيلا صروح الطيب والحصن الحصين
اخذو من المدح اجزله واخذو من المجد اطيبه
ياخيل الشقحاء تقدم وادحم بجنب متين
ترا المنافس داخله ربكه وخوف وذبذبه
شقح النصر جمهورها يوم الوعد مترقبين
مثل هلال العيد يوم ان الخلايق ترقبه
ارهج بها الميدان ثم ناد الخصم حتى يبين
وكرر عليه الكلمه اللي تقطعه من مكسبه
حنا ترانا الله يرضى لي عليك الاولين
في الجود والبل والنباء والشعر نظم وملعبه
وبشر بجمهورك هل الصمله كعام المعتدين
ترا الحميا في بني عمك سوات الموجبه
قومن من العارض ليا الحره كفو ومهيمنين
سيل عرمرم يقدر يشيل الجبل شيل خشبه
مال المعادي عندنا الا خزم خشم ولطم عين
هذي عتيبه والحمايا ماهي بمستغربه
كلمات اغاني جفران بن هضبان فنجال التحدي
غناء : جفران بن هضبان
كلمات : عبد العزيز الوذيناني
الحان : جفران بن هضبان