كلمات قالي تعالي عفاف راضي
قولتله لا لا وانا مالى وانا مالى
قالى تعالى عيشى ليالى الحب الغالى
قولتله لا لا ما انتاش خيالى
قالى تعالى نلفك شالى
قولتله لا انا كده راضية بقلبى الخالى
وسيبنى فى حالى
انا زى ما اكون نسمة هوا طايرة فى دنيا براح
انا قلب حنون بيضم الكون ويعيش سواح
انا لا انا خايفة من الهوا ولا شايفة الحب جراح
وانا عارفة ان طريق العشاق فرحة وافراح
وانا عارفة ان الحب طريقى ومنايا يكون حب حقيقى
من غير كده وحدتى دى تهنالى
والحب ميخطرش فى بالى
مهما ندالى
انا زى ما اكون بستان عطشان مليان اسرار
بحلم بالشمس الدافية وربيع الازهار
بحلم بالنور والهوى واتمنى ليل ونهار
وانا عارفة ان طريق العشاق فرحة وانوار
وانا عارفة ان الحب طريقى ومنايا يكون حب حقيقى
من غير كده وحدتى دى تهنالى
والحب ميخطرش فى بالى
مهما ندالى
كلمات اغاني عفاف راضي قالي تعالي
غناء : عفاف راضي
كلمات : سيد حجاب
الحان : عمار الشريعي