كلمات قدوة روضة عيضه المنهالي
بعيون ابوي اللي من سنين غايب
مكتوم من حبه سكن قلب وعروق
وأشم عطره مع نسيم الهبايب
ان مر له طاري انا بالي يروق
وأبوي حلال الأمور الصعايب
كفه سحاب وشوفته غيث وبروق
يالله عسى قبره ظليل وسحايب
وعمي محمد سابق غير مسبوق
اللي مزيد ثامنه في العجائب
خلا دبي اليوم للناظر اتشوق
وكل حد شايف دبي في الحب ذايب
خلا دبي المعجزه تبهر الموق
وأبراجها مع الثريا حبايب
هذا أبو راشد على الأول يتوق
انجاز بين الثانيه والدقايق
ابوي لي به تغمض العين وتفوق
له صورتن بين الجفن والهدايب
علمني أمشي درب عالي ومرموق
وبعمي محمد هزمت الصعايب
وروضة أنا ببقى على عهد موثوق
امشي بنهج الطيبين النجايب
وبنتك أنا يابوي مكتوم بي شوق
اني اضمك وانت سيد الحبايب
كلمات اغاني عيضه المنهالي قدوة روضة
غناء : عيضه المنهالي
كلمات : احمد المري
الحان : فايز السعيد