كلمات قريب الكمال ماجد خضير
لي شعور غريب وخافق مهتوي
اتضايق ليا حان المساء والغروب
لاصديق يونسني ولا به خوي
كل ليله على راسي تهب الهبوب
ناموا الناس وعيوني طوتني طوي
صرت بين النجاح المحتمل والرسوب
حيره ماتفارقني وليل سروي
راسي اللي لصكات الزمان معصوب
يبتهج مره ومرات يكوى كوي
ياقريب الكمال ويابعيد العيوب
والله اني قبل مااشوف زولك قوي
لكن اليوم ضاقت بي وساع الدروب
جعل من لام قلبي طيحته تستوي
رميتك خلت القلب الصحيح معطوب
وعاقل القوم يمكن من سببك يغوي
اتظاهر بعزم مثل وبل النصوب
مير في داخلي شي لواني لوي
اثر بعض المعارك تستحق الهروب
دونها رمح مطنا وذيب يعوي
كيف اسيطر عليك وكيف اخوض الحروب
وانت نورك لو ينوش النجوم تهوي
اعترف بالغليبه يوم صرت مغلوب
واعترافي لعل له دافع معنوي
الهوى يذبح الرجال من كل صوب
من عيون سهمها قام يدوي دوي
ماتوا اهل المحبه من شمال وجنوب
بين قلب شجيع وبين راس حموي
لاتوجه لي الحقران وانا محسوب
ريشه الحر ودك تشتويها شوي
وان تواجهت انا وياك صدري رحوب
طيب الطبع وسلومي سلوم بدوي
خل عيني بعينك لاجهلت القلوب
تدري اني من النظرات ماني سوي
شفت لي شي بعيوني وشي محجوب
يدك فالماء وانا مرتاح فالمجذوي
المواجه حصل والله يغفر الذنوب
وانت صدرك ماياسعني ولا يحتوي
ودي اصيح في قلبك واسير واجوب
مثل ماصاح فالدرعيه ابن جلوي
كلمات اغاني ماجد خضير قريب الكمال
غناء : ماجد خضير
كلمات : ناصر الجنيبي
الحان : ماجد خضير