كلمات قلبي يناديك سالم السريعي
الشوق في قلبي كفر !
مالي من طيوفك مفر
وحشة غيابك موجعه
أبطيت ماشفتك وأنا
حالي من الفرقا دنا
مدري متى أذوق الهنا
قلبي يناديك اسمعه
بالعيد عايدني ترى
صدري من البعد انفرى
وش عاد باقي ماجرى
حبل الوصل لاتقطعه
اشتقت لك والله العظيم
والشوق ناره من حميم
البعد والحرمان ضيم
مامن وراها منفعه
عاد الله العيد السعيد
عليك يالزين الفريد !
شوفتك عندي يوم عيد
مالي بغيرك مطمعه
الحظ عيا لايزين
تعبت وأضناني الحنين
لاعاد تتركني حزين !
تايه بوسط ( المعمعه )
الحب شمسه لاتغيب
ياوصفة علاج الطبيب
لاتبتعد خلك قريب
أنا المقفي مااتبعه
ياعود موزٍ ( مرتوي )
لبى الجمال الانثوي
عليك قلبي منكوي
لاتحسب اني في سعه
كلمات اغاني سالم السريعي قلبي يناديك
غناء : سالم السريعي
كلمات : عيسى بن مهل
الحان : سالم السريعي