كلمات قول لكل الناس فايزة احمد
ولا حد في الدنيا دي حب قبلينا
ولا فيه قلوب ح تحب بعدينا
ورمانا الحب وخدنا معاه
لليالي الحب نعيش وياه
ونتواعد ونتقابل تاخدنا ليالي
تفرحنا تفكرنا باحلى ليالي
قول لكل الناس احنا حبينا
يا حب ياريتك مهما الايام
تفضل عايش ويانا
يا حب ياريتك مهما تروح الاحلام
تفضل حلم لدنيانا
سهرنا يا حب سهرنا
وحيرنا يا حب حيرنا
حيرنا يا حب بس امانة ما تسيبنا
وخاصمنا يا حب وصالحنا
قربنا يا حب وابعدنا
ابعدنا يا حب بس في يوم ما تفرقنا
خليك على طول جوا قلوبنا
ولا يجى اليوم وتغيب عنا
ونتواعد ونتقابل تاخدنا ليالي
تفرحنا تفكرنا باحلى ليالي
قول لكل الناس احنا حبينا
يا ليالي الحب وخدتينا
دنيا فرحانة يا ليالي
اه يا سلام لو دامت فرحتنا
وفضلتي معانا يا ليالي
همستنا الدافية يا ليالي
ضحكتنا الصافية يا ليالي
ايامنا الرايحة يا ليالي
اشواقنا الجاية يا ليالي
حارسة خطاوينا تنادينا
حاضنة ايادينا تودينا
للحب وتضحك ليالينا
وقلوبنا ما تنامش حزينة
ونتواعد ونتقابل تاخدنا ليالي
تفرحنا تفكرنا باحلى ليالي
قول لكل الناس احنا حبينا
ايوا بحبك بحبك
ح افضل احبك طول العمر
ده احنا هوانا ما يعرف هجر
زي الموجة فى حضن البحر
حاضنة امانينا غناوينا
والنسمة الهادية تودينا على شط الحب
عشاق ولا لينا في ليالينا
غير قمر الفرحة ينادينا على شط الحب
وياليل يا مونس خطو المشتاق
ياليل يا مطول عمر العشاق
ويا بكرة الجاي ومتبسم لينا على طول
في جبين الضي بتتكلم ويانا وقول
قول لكل الناس احنا حبينا
كلمات اغاني فايزة احمد قول لكل الناس
غناء : فايزة احمد
كلمات : مجدي نجيب
الحان : محمد سلطان