كلمات قوم يا مصري محمد محسن
خد بنصرى نصرى دين واجب عليك
يوم ما سعدى راح هدر قدام عينيك
عد لى مجدى اللى ضيعته بايديك
شوف جدودك فى قبورهم ليل نهار
من جمودك كل عضمة بتستجار
صون اثارك ياللى دنست الاثار
دول فاتولك مجد و انت فوت عار
شوفت اى بلاد يا مصرى فى الجمال
تيجى زى بلادك اللى ترابها مال
نيلها جى السعد منه حلال زلال
كل حى يفوز برزقه عيشته عال
يوم مبارك تم لك فيه السعود
حب جارك قبل ما تحب الوجود
ايه نصارى و مسلمين قال ايه و يهود
دى العبارة نسل واحد مـ الجدود
ليه يا مصرى كل احوالك عجب
تشكى فقرك و انت ماشى فوق دهب
مصر جنة طول ما فيها انت يا نيل
عمر ابنك لم يعيش ابدا ذليل
يوم مبارك تم لك فيه السعود
حب جارك قبل ما تحب الوجود
ايه نصارى و مسلمين قال ايه و يهود
دى العبارة نسل واحد مـ الجدود
كلمات اغاني محمد محسن قوم يا مصري
غناء : محمد محسن
كلمات : بديع خيري
الحان : سيد درويش