كلمات كتوف الرجال عبدالعزيز الفيفي
بعض الرتب تزين بكتوف الرجال
وبعض الرجال اعلومها بكتوفها
في الاوله تشوفها مثل الجبال
هيبه من الوزن الثقيل وقوفها
والثانيه لا والله الا ما تقال
ماحدسمع ابها ولا بمعروفها
ونا هنا بجيب لك مضرب مثال
ولا بقل لك خلها بضروفها
بقول بسم الله وافتح لي مجال
في مدح هيبتها كلاشنكوفها
صميدعً كامل ولله الكمال
مجده كثر نو السما وقنوفها
ايلا حمي الوطيس واشتد القتال
ودقت طبول الحرب حيا عزوفها
تلقى ابو نايف في ميدان النزال
يتقدم لجيشه وقبل صفوفها
لواء ركن دكتور طييب فال
كل المراجل حازها بوصوفها
حاز المراجل كلها واغلى الخصال
وقصيدتي باسمه تِزين احروفها
ضاوي واسمه فوق دايم لا يزال
نسل الكرام اللي تِعزّ اضيوفها
وقت المعارك والعدو من كل جال
قاد الرجال اللي تحدّ اسيوفها
وأعدائنا شافو الهزيمه والنكال
واقلوبهم ذلّت وبيّن خوفها
كلمات اغاني عبدالعزيز الفيفي كتوف الرجال
غناء : عبدالعزيز الفيفي
كلمات : عبدالعزيز الفيفي
الحان : عبدالعزيز الفيفي