كلمات كراكيب عمرو مصطفى
فيها لعب كرة شراب
هندس وحيطة وبلن
كراكيب وصور طفولة وطيش
فتافيت رغيف العيش
ايام ما كان دا بشلن
بلي جيلاتي ومرمطة
شوف الجادون جوة الغطا
والقطر لعبه بزمبلك
شبر شبرين وسبع طوبات
طير واجري وسط الحارات
واختم بقفاشه الملك
كراكيب وخزن كدا وكراتين
فيها ذكريات لسنين مقفوله بالترابيس
كراكيب صاحب جدع انتيم
وجيران وحب قديم معجونة بالاحاسيس
دا زمان انا شعري كان علي جنمب
ودي موضه و ماليش ذنب
دي كانت حكايه جيل
وكمان مصروفي نص جنيه
باكل وبشرب بيه
واسهر كمان علي النيل
واسمع فؤاد واسمع حميد
واستني اشوف عامر منيب
وجدو عبده وبابا ونيس
والساعه 10 خلاص بنام
بعد المسلسل بالتمام
والسهره تبقي يوم الخميس
كلمات اغاني عمرو مصطفى كراكيب
غناء : عمرو مصطفى
كلمات : أحمد حسن راؤول
الحان : عمرو مصطفي