كلمات كرنفال محمد اسامة
بشوف بعيني وهم كان سبب للاعتكاف
تاكس جاي يقف لي بابتسامه لما أشاور
مفيش مجادلة ع المكان ولا مضطر احاور
و ادي الزهور في الشوارع و الشجر من كل لون
و ناس نشيطة بادئة يوم عمل أمل في العيون
وادي صورة ايجابية كانت في عقل باطن
ضابط شرطة مبتسم بيهزر مع مواطن
بنت ماشية حاسه بارتياح حاسة بالامان
لما تيجي زحمه كله بيوسع لها المكان
طب ده حلم و لا فيلم و لا خيال مؤلف
و لا نص ع الورق لكن الانتاج مكلف
طابور طويل و منتظم قدام محل ورد
اشارة حمرا و الناس بتعدي الشارع بالعرض
يستمر البحث عن تكشيره لكن مفيش أمل
محتاج كباية شاي في حلمي لاجل الصورة تكتمل
فجوة في الزمن رمتني باختلاف
بشوف بعيني وهم كان سبب للاعتكاف
طب ده حلم فيلم و لا علم و لا خيال مؤلف
و لا نص ع الورق لكن الانتاج مكلف
مش لاقي فرق بين شوارع كله بيئة راقية
التصاميم المعمارية مستمرة زي ساقية
من ابداع بلا حدود من تدمير كل السدود
من ادراك سبب وجود تربة لاتنتج ورود
شاب بالجيتار حزين قاعد في ركن هادي
لحن من الوتر مطر خفيف من الجهة دي
طفلة بالاسكوتر تنطلق بدون هموم او انتظار
واحد خبط في واحد الاتنين بداوا بالاعتذار
ضرب نار في مخي من تناقض الصور
بين التقدم و التأخر بين العتمة و القمر
راجل مسن الكل بينحني له باحترام
لانه قضى عمره يخدم الوطن و بالتزام
ولد و بنت مشبكين ايديهم و حلمهم اكيد
يمكن الطيور تجيهم او تصور من بعيد
الوشوش بالابتسامة عاملة حالة كرنفال
للأسف راجع لزمني لكن جوايا 100 سؤال
فجوة في الزمن رمتني باختلاف
بشوف بعيني وهم كان سبب للاعتكاف
طب ده حلم فيلم و لا علم و لا خيال مؤلف
و لا نص ع الورق لكن الانتاج مكلف
كلمات اغاني محمد اسامة كرنفال
غناء : محمد اسامة
كلمات : محمد اسامة
الحان : محمد اسامة