كلمات كساب ناموس صالح الحرسوسي
ماطـلبتك غـير جيت بـعنفوان
ولاكتبتك غير لـجل الـغانمين
من لهم ف النايفه قدر ومكان
كيف لاجى في خوي من سنين
عل الوفي والطيب ثابت بأتزان
بك ياالقفيج يطيب الشعر زين
بـحر قافـه والمـعاني والاوزان
مـثلك أبوشهاب بانلقاه وين
الوكاد أنه عديم بـها الـزمان
لك مكانا متعلي بالفرقتين
مايضاهي منزلك أنس وجان
أنت منصى وركن عند العارفين
وأنت وجهة واضحه لكل العيان
يامقر الضيف ع سمن وسمين
ياكريما من لفى عندك مصان
كتفك يشيل الحمول ولايلين
ترتكي للحمل يوم الـغير لان
السلف قالوا يبين الرجل حين
ف المواقف له وقـوفا يستبـان
ناظر تشوفه على يدك اليمين
لاصكت الحلقه ودارت ع الأبطان
وأنت فيك أشوف كل الـحالتين
ف الشدايد والرخا عندي ضمان
من تهقوى فيك ياليث العرين
يـبشر بـعـزه إذا آن الأوان
مدح مثلك بوشهاب أحس دين
أقولها من قلب وأحساس ولسان
وأن طروا الإنـجاز والمتفوقين
والرموز اللي تـحط بكل مكان
لك حضور وسجل تاريخه مكـين
للكؤوس وكسب ناموس ورهان
قلتـتها وأنا ماغـير الغانـمين
يشـغلوني ليـن أجازيهم أحسان
كلمات اغاني صالح الحرسوسي كساب ناموس
غناء : صالح الحرسوسي
كلمات : خليفه بن حميد راكان الوهيبي
الحان : صلاح الحرسوسي