كلمات كلثوم كمال مسعودي
انا من هواها خلاص فنيت
هكذا كاتبة و شاءتلي الاقدار
من غيرها في حياتي ما حبيت
كلثوم منام بصري ذيك المسرارة
و حزامها سود فالجهة طالقاتو
قدها صغير و الخانة دارت امارة
وشعرها طويل فالحواشي ماشطاتو
الخد و العيون تضوي كي النوارة
و الشفر بالكحول و الحاجب سواتو
اللي يشوفها يتللف باب الدار
و يقول في حياتي عمري ما ريت
زينها ساقني فالطريق كي العيار
و شحال جريت موراها شحال عييت
كلثوم منام بصري مفتاح الدار
انا من هواها خلاص فنيت
هكذا كاتبة و شاءتلي الاقدار
من غيرها في حياتي ما حبيت
كلثوم حين تتبسم بالتبسيمة
العيون كلها و عناصر تسيل
السماء يومها تبقى زرقة ديما
و الشمس كي توادعها حين تميل
و اذا بان القمر يعطيها قيمة
و النجوم كي تضوي عليها فالليل
كلثوم حين تضحك تفرح الاطيار
الحمام و اليمام و المقنين الزين
الباز و البلابل تشعر باشعار
الاطيار كلهم راهم فرحانين
كلثوم منام بصري مفتاح الدار
انا من هواها خلاص فنيت
هكذا كاتبة و شاءتلي الاقدار
من غيرها في حياتي ما حبيت
الكاف كاملة بالزين الكمال
اللام لون ذاك القد المشموم
الثاء ثوبها ما تشريه بالمال
الواو ورد مسك و ريحو مختوم
الميم مايلة تسلب الرجال
يحسن قول من سماها كلثوم
زينها فاق زين عروسة لبحار
ما كان من قدر ينظرها بالعين
صورة مصورة ما رسمها صوار
سبحان ما خلق رب العالمين
كلثوم منام بصري مفتاح الدار
انا من هواها خلاص فنيت
هكذا كاتبة و شاءتلي الاقدار
من غيرها في حياتي ما حبيت
قلبي سجين هواه حليلو معذور
ما صاب باش يرجعلي لمكاني
اللي يشوفني يحسبني مسحور
السهم صابني في حشايا دخلاني
بحر الغرام ما يوصلوه بحور
ما يفيد رايس ماهر و لا قرصان
ماني عوام ماني رايس بحار
بالله ساعفوني انا قلبي حنين
ما كان غيرها يطفي هاذ النار
مسعد حين نلقاها طول سنين
كلثوم منام بصري مفتاح الدار
انا من هواها خلاص فنيت
هكذا كاتبة و شاءتلي الاقدار
من غيرها في حياتي ما حبيت
نمدح في بهاها و نقول قليل
يا اهل الكلام فيدوني راني ليها
دموعي سواقي ويدان تسيل
سبايبي كي راني بعيد عليها
خاطري ما تهنى و القلب عليل
جوارحي ذبالت شكون يداويها
ما فاد طبيب ماهر و لا عقار
لا حكيم لا طالب حافظ الستين
اذا نشوفها مصبوغة الاشفار
نقوم من فراشي نبرى فالحين
زعمة قلت نكتم سري في بير
و اسراري ما كان من يعلم بيها
و اذا بغيت نمشي ليها و نسير
في جنح الظلام نطير و ناتيها
نقطع البحور و الويدان و الدير
الجبال و الغوابي باش نساميها
لكن ما قدرت نكتم الاسرار
شحال هولوني ذوك العينين
راهي جوارحي مكوية بجمار
باقي وحيد صابر و القلب حزين
كلثوم منام بصري مفتاح الدار
انا من هواها خلاص فنيت
هكذا كاتبة و شاءتلي الاقدار
من غيرها في حياتي ما حبيت
الورد و الزهر و النسري و الياس
و الياسمين فاتح مسك و ريحان
نوار الربيع صفراوي عساس
الفل و القرنفل زينو فتان
من شاف زينها ميز فيه و قاس
ما لوم لامني و ضحى دهشان
الفجر حين يطلع حاكم الاوطان
قصايد الهوى و دموع الخدين
الناس نايمة وانا نعاسي طال
بين الاوزان و نظامي يا سامعين
انا لشوقها ما صبت ليه حدود
ما عرفت روحها سكنت فالضمير
ما طابلي معاش و نفسي مسدود
نرجى في سراحي كي سجن الطير
من شاف سيرتي يفهم المقصود
ناوي انشاء الله سوى طريق الخير
مضمن القصيدة كمال الصبار
و ختمها بالصلاة على الامين
هو شفيعنا مالهول ذاك النهار
و كريمنا بجنة و حور العين
كلثوم منام بصري مفتاح الدار
انا من هواها خلاص فنيت
هكذا كاتبة و شاءتلي الاقدار
من غيرها في حياتي ما حبيت
من غيرها
في حياتي ما حبيت
كلمات اغاني كمال مسعودي كلثوم
غناء : كمال مسعودي
كلمات : كمال مسعودي
الحان : كمال مسعودي