كلمات كل يوم فرقة وسط البلد
كل يوم الصبح بصحى ..... واما يجي الليل بنام
جوا مني فكرة واضحة ..... اني عايش والسلام
لون ستايري ونوع سجايري هوه هوا ..... خوف عيوني وبنطلوني هوه هوا
نفسي ابقي حد غيري
نفسي يتغير مصيري
نفسي ابقي حر اكتر
او اطير زي الحمام
كل ما اخرج برا بيتي بتقابلني وشوش قديمة
فيها اللى قناعه زاف فيها الل عنيه لئيمة
واما بوصل اودتي خايف ببقي عارف اني خايف
خايف الدنيا تناديني تهجر الدنيا الشفايف
ساعتها بيتوه الكلام
وابقي مهر باللى جاي
كل يوم بركب في مترو زهقت من دوشة قضيبه
احلف اني توبت منه جيبي يحلف مش هسيبه
واما برجع اودتي نادم ببقي عارف اني نادم
نادم اني لسه نفسي واني هبقي لنفسي خادم
ساعتها بيتوه الكلام
وابقي انسان من رخام
كل يوم الصبح بصحى ..... واما يجي الليل بنام
جوا مني فكرة واضحة ..... اني عايش والسلام
كلمات اغاني فرقة وسط البلد كل يوم
غناء : فرقة وسط البلد
كلمات : غير معروف
الحان : غير معروف