كلمات كنا شباب زي الفاكهة التوأم
ده ليه مكتفاش انو جه زارنا
ده سكن قصدانا وبقى جارنا
بيطل ديما ويجيلنا
وبقينا نهرب من الواقع
نسهر طول الليل فى مواقع
كله بقى للجنيه راكع
والله مظلوم اوى جيلنا
سقفنا وحلمنا نطوله
والحلم ناس تانيه تنوله
الحق مش حلو تقوله
عشان هتطلع مش مظبوط
عكس الطريق الكون ماشى
واديكى دنيا بتتعاشى
راضين معانا او معناشى
والصعب هيعدى وهيفوت
لو خوفت ف انا خوفت عليا
قلقان علي ايامى الجايه
على واحده نفسى تكون ليا
وخايف عليها تضيع منى
او اني اخون وعد معاها
انى ابقى ديما جمبها
مقدرش اضبر مهرها
وساعتها ربنا يعينى
يشهد عليا الى خلقنى
الى لما بخسر يلحقنى
ان البشر بتغرقني
وانى اما بحزن بحكيلو
وبقول يارب انا بتمني
الناس تسيب حالنا لحالنا
عوضنى خير انا هستنى
ديما بقوله وبدعيلو
كنا شباب زى الفاكهة
بس الزمن يابا انهكها
ضيع شبابنا وأرهقها
ودونا توكيل بنى ادمين
فاقدين شغفنا وبالمعنى
عايزين نشوف ناس تسمعنا
تخرج معانا تدلعنا
عشان احنا اصلا كوميدين
فاكس نعاتب ناس باعت
او نبكى على حاجه يوم ضاعت
والدنيا علي قد ما ساعت
مسعتش جرحى ولا همومى
ادوار حياتنا بتتبدل
كان دورى صعب ومتبهدل
يوم وحشه ويومين تتعدل
كلمات اغاني التوأم كنا شباب زي الفاكهة
غناء : التوأم
كلمات : حسن التوام
الحان : حسين التوام