كلمات كنتي الجوكر
اصحى يوم الاقيها حست الاقى حالها اتعدل
بالتدريج فقدت الامل كل اللي هيتعمل اتعمل
ما عادش عندي غير انتي صح عشان ما عدتش حمل جدل
كان سهل اسيبك بدري لولا قلت سهل اسيبك
لو حالك ما اتعدلش وما اتعدلش وخايف اسيبك
لاحسن اتوجع في البعد وجع ما استحملوش
فبقول وجع عارفينه اضمن من اللي ما نعرفوش
مش يمكن اسيبك اتعب اضعف ارجع ترفضيني
او تقبليني وانتي عارفه ان انتي امتلكتيني
فاخسر حتى صرخة جبت اخري وهى يا دوب
بتخليكي بعد سنين عجاف تروي عطشي يوم
يا ريتني كارهك انتي انا كاره نفسي وانا معاكي
كاره نفسي عشان حباكي رافض نفسي عشان قابلاكي
ونفسي ييجي يوم واكتفي ييجي يوم واختفي
نفسي احط راسي على المخدة راضي عن موقفي
كنتي اول نمرة احفظها اول صوره في المحفظه
اول خوف هستيري لسبب زي انك موبايلك فصل
ادمنت حضورك حتى لو هتنامي على السماعة
اكتشفت معاكي ان المكالمة بتفصل بعد ساعة
كنتي اول نمرة احفظها اول صوره في المحفظه
اول خوف هستيري لسبب زي انك موبايلك فصل
ادمنت حضورك حتى لو هتنامي على السماعة
اكتشفت معاكي ان المكالمة بتفصل بعد ساعة
ما عادش فيا مكان لطعن ما عادش لحاجه طعم
مجرد رفس الغطا والقوم من على السرير بقى صعب
عدت سنة من يوم ما بعدنا ولاجل ما اكون صريح
سنة تقلها ما يتوصفش مهما اكون فصيح
تدريجيا كان بيموت احساسي لما عيني فضيت
عشت معاها بصفتي لوح ازاز وكتر خيرها رضيت
ولسه بحكي عنك للحيطان وللطريق
ولسه العمر بيجري ولسه كل يوم بطيء
وكل ما ائن افقد الامل في كون الجرح يلم
فاقول مسيرها تزهق هي تقول مسيري احن
انا في وضع ببذل فيه مجهود يسوء ما يتحسنش
ما انا بتواجه اني مزيف بنفجر مش عاجبك امشي
احلامنا كان مبالغ فيها ولا الواقع خاننا
العيب كان في اجاباتنا ولا العيب كان امتحاننا
عزفنا على اوتار اللوم وعلى اوتار الاسف
نكره كل شيء مش كامل واحنا مش كاملين للاسف
كنتي اول نمرة احفظها اول صوره في المحفظه
اول خوف هستيري لسبب زي انك موبايلك فصل
ادمنت حضورك حتى لو هتنامي على السماعة
اكتشفت معاكي ان المكالمة بتفصل بعد ساعة
كنتي اخر نمرة احفظها اخر صوره في المحفظه
اخر خوف هستيري لسبب زي انك موبايلك فصل
ادمنت حضورك حتى لو هتنامي على السماعة
اكتشفت معاكي ان المكالمة بتفصل بعد ساعة
كلمات اغاني الجوكر كنتي
غناء : الجوكر
كلمات : الجوكر
الحان : مصطفى ابراهيم