كلمات لاد شيبان المواجه ماتخافه جفران بن هضبان
لو مشى يومين ما يشكي المضره
سـايقه ما لحّــق ايــامــه حسافه
من سطــر راســه يوصله المجره
لكــزس ٍ بين الحقيقــه والخرافه
صممــه من لا عرف فالدين ذره
نصّــه اللي ماقفل باب الضيافه
للـرفيــق وللقريـــب ومن يمره
مشعل اللي مايحسّــب للكلافه
منبع ٍللطيـب والجــود ومقره
ذخر عودن مادخل قلبه مخافه
غيــر من رب على عرشـه مقره
سيرة شليويح من قبل الصحافة
اتناقلها العرب ،،، مليون مره
مامشى درب الدناعه والضعافه
ابلجً ،،، مابيّحت ،،، الايام سرّه
جاذبه شيخً ،،، يتعّب من خلافه
بالمراجل ،،، والوفا ،،، لله دره
ايه مشعان الدسم هيبه وانافه
المبادي ،،، والعوايد ،، ماتغّره
مااحدً لنعم والناموس طافه
يتعب الشيخان في حلوه ومره
مانقول الا عسى الجنة مضافه
هيلعيً مجده ،،، العالم تقّره
من رجالٍ صيتهم تعرف رهافه
شايع ٍ بالطيــب في بحـره وبره
لاد شيبان . . المـواجـه ما تخافه
خصمهم في المعركه يضيع شره
حب لي خشمه وبارك له زفافه
دامت افراحه على خير ومسره
قالها باسم السهول اختام قافه
شاعرٍ يسبح بحر ويجيب دره
كلمات اغاني جفران بن هضبان لاد شيبان المواجه ماتخافه
غناء : جفران بن هضبان
كلمات : جفران بن هضبان
الحان : جفران بن هضبان