كلمات لاعاد تجرحني محسن ال مطارد
مايخفي الجاش عنك تظهره عيني
اتشوف حزني بعيني قبل تلمحني
وتشوف موتي على يدك وتعزيني
لاشفتني ضايقن لاعاد تجرحني
فيني من جروح بقعا مايكفيني
حاول من الضيق تاخذني وتنصحني
هات ابتسامه بوجهي وامسك يديني
من قوسي المحني اليا قوسي المحني
احساسك العذب يسعدني و يغريني
على بداية صباح الخير صبحني
الوصل ياسيد الغالين يحييني
معك الدقائق تناسبني و تفرحني
ويجيني احساس لا تسال وش يجيني
احساسي اللي من الغالين نزحني
ينصك باب الامل و اقول يمديني
اتهب ريح الجفى و الشوق يلفحني
و الدرب صوب اتجاهك ما يوديني
ان كان يمديك تكتبني و تمسحني
يمديك من صفحة النسيان تلغيني
ادري وتدري ان صدك ما يريحني
تبطي ومنك البطا ماهوب يرضيني
تكفى ترى صدة الغالين تذبحني
وامانة معك تكفى لا تخليني
ان رحت عني خفوقي ما يسامحني
لا والله الا بتذبل زهرة سنيني
كلمات اغاني محسن ال مطارد لاعاد تجرحني
غناء : محسن ال مطارد
كلمات : متعب الناهسي
الحان : محسن ال مطارد