كلمات لا تنتظر قلبي عبدالعزيز المالكي
ماعاد في قلبي لحبك بقايا
كم مرتن قلت ابزينها وتزين
ارجع خلي وايديني منك عرايا
يا غايتي من يوم كنا صغيرين
سلمتلك من اولي لي قصايا
اهديتلك عمري وبعيني تسكنين
كنتي اماني وكنتي نور الحنايا
يا كنت ضيك في الليالي تشوفين
وياكنت فيك يوم حرك صلايا
وياكنت عونك لي بغيتي لك معين
بعد التعب ما نلت الا عنايا
اوفيتلك بس ما طرالك توفين
ارخصتي تقديري و جزل العطايا
ثبتي الطعنه برمحك وسكين
ونار القهر تشعل وتحرق حشايا
مهما تصاليني لظى البعد والبين
وللشوق في صدري أنين وبكايا
ماعادني صاحبك ياللي تعرفين
وعيت ما يبقالي الا سوايا
واليوم ما عادك على البال تطرين
طيفك طفى وتلاشى بين البرايا
هذي النهاية لا تعيدي وتزيدين
شلت العشق ورميت حبك ورايا
كلمات اغاني عبدالعزيز المالكي لا تنتظر قلبي
غناء : عبدالعزيز المالكي
كلمات : درة
الحان : عبدالعزيز المالكي