كلمات لا تنزل دموعك سالم بن مغيثه
حرام هذا الدمع ينزل من وسيعات النجل
عزا و جل اللي خلق زينك وخصك في خواص
ماخصها في اللي خلقهم كلهم عزا وجل
ارق من ريح الصبا واحلى من التمر الخلاص
واطهر من مزون الوسم وانبل من الوجه الخجل
أحبك ومحبتي في شكل عام و شكل خاص
محبة للعمر ماهي للترفه و الدجل
عهد علي و العهد ما ينقض لو فـ حكم القصاص
لا اصون حبك لين ما يبقى على الدنيا رجل
ماكنت اعرف الضحك قبلك كانت الضحكات عاص
و اليوم اسمك راسم الضحكات عندي في السجل
كنت اتصبر قبل حبك والمحبه باختصاص
و الحين انا اللي في مواصل عينك النجلا عجل
والله لا اغني فيك حتى تنطق عيونك خلاص
ولا لـ عينك توقف الدنيا على ساق و رجل
انا اللي في غبة سواد عيونك الثنتين غاص
يا اجمل محطه من محطات العمر واسمى واجل
وصلك عمر ثاني ولا لي من دفا وصلك خلاص
استغفرالله صرت احس مواصلك يدفع الاجل
كلمات اغاني سالم بن مغيثه لا تنزل دموعك
غناء : سالم بن مغيثه
كلمات : حمد ابن الذيب
الحان : سالم بن مغيثه