كلمات لا حدن يطيش ويحرق اوراقه فهد بن فصلا
هبت هبوب الشعر والنار شعاقة
وسويت لي فوقها فنجال بريه
والكيف ما احسن منه لاجاء على فاقة
ودخلت في جومحميه ومحميه
واسرجت لي من بنات الريح عملاقه
مادوخ الاعلا الصفرا الصويتيه
الي غلاها من القلب ومن اعماقه
انازعيم الطواريق الحماسيه
الي تخل الرجل ياقف على ساقه
ياهل الشعل عندي رسالة خصوصية
رسالة ماهي من الباب ل الطاقه
شلفا ولي العهد مهيب عادية
ولا هيب ناموس يا سواقة الناقة
الا الفخر والتفوق والبطولية
اللي عليها المنافس تنشف ارياقه
توقعوا دام بن ضبية نوى الجية
قدام لحد يطيش ويحرق اوراقه
من سلم في الوقفه اللي مثل هاذيه
يفرح مثل فرحة المملوك بإعتاقه
من حقنا ناخذ الاول علانية
ومن طمع في حقنا يموت ماذاقه
جاكم بشعل مأساقوها الشريطيه
غزايز مظيم للناموس مشتاقه
مارية الزين في الشعل الشمالية
فيها على ثقلها خف وتصلفاقه
ارقابها مطلوحه ووجيها حيه
وظهورها للورا فيها تفهاقه
فردية مضيم ماهيب اي شي فرديه
كنك تشوف الشفق لا احمرت اشناقه
فيها من الشمس قبل تغيب بشوية
وفيها من البن قبل يزود احراقه
اللي يبي يحارش الحرشا الحدارية
يروح مرواح طيرن فك مسباقه
مادبرو في مشاربها الحرامية
من زينها يذكر المخلوق خلاقه
تقول غيدا مفاتنها رومنسيه
لعبونها تهدي الباقه ورا الباقه
جتهم بقوة نظر ماجات عارية
واللي شراها يعرف الزين واعماقه
يزيد ياحي طارية وياحية
النادر اليا لقاه يجيك مستاقه
عضيدعبدالله الي ينطح الهيه
لاثقل حمل القبيله يرخي شقاقه
عيال عود ليامن مرطاريه
تجيه الامداح مثل السيل دفاقه
يمناه في مدة الجزلة رهاوية
متميزفي كرم يمناه واخلاقه
اعمال مجدوفخر واعمال خيريه
ويكفل طموح اليتيم ويكفل ارزاقه
من لابة في نهار الهوش مسمية
لاعلقوكل بشة فوق معلاقه
اسم الملاحيق ماركة دوليه
وروس مافيها عن الصعبات دناقه
امجادهم قبل توحيد السعودية
العز مهوب دوبه يعلن اشراقه
قبايل مضيم تعطيهم لهميه
المجد ترهي عليه وتلوي اعناقه
في نجد الانجد وفي الدار الجنوبية
عزالله انهم عمود البيت ورواقه
معلومات الاغنية
شيله في غزايز مضيم
رجل الاعمال عبدالله بن عايض بن ظبيه
الصياهد مهرجان الملك عبد العزيز للاب
كلمات سلطان بن وسام
اداء فهد بن فصلا
كلمات اغاني فهد بن فصلا لا حدن يطيش ويحرق اوراقه
غناء : فهد بن فصلا
كلمات : سلطان بن وسام
الحان : فهد بن فصلا