كلمات لا والله الا تو زان الجو والطاروق زان شبل الدواسر
لا والله الا تو زان الجو والطاروق زان
والجو نعمه لا صفا لي لو ساعه وحده
يصبح علي الصبح وانا من مكان ليا مكان
الصدر به من صكت الايام صكه ولهده
البارحه واليوم كني داخلن لي ف امتحان
بيني وبين مجاهد الافكار قومه وقعده
والرجل لامن صار ماله مع كبار الشان شان
خلوه يبطي في منامه يا عساه المرقده
الوقت مايبغى ضعيف ولا ذليل ولا جبان
يبغى شجاع ما احد يرده لا ياصل مقصده
يطمر عن الزلات والهفوات طمرات الحصان
واللي مايقدر يطمره لا قام بيديه هبده
ما هو صحيح فلان والا فلان بيطلع فلان
الشاعر المبدع يشيل فلان في راحة يده
وانا احمد الله شاعر لا كبرت القالات بان
يزهمني الطيب على الوقفه ويبشر بسعده
يامرحبا والله يحييكم على حيل سمان
ترحيبنا باسم اومرانا كل حين نردده
اثقل من جبال السراه ومن طويق ومن ابان
يامرحبا عد المخيل وعد برقه ورعده
باسم اومرانا اللي عليه الوقت يشر بالبنان
مامات ذكر اللي يعقب له رياجيل بعده
شروا معيوف الشيخ راع العرف بـ سنان وعنان
درع القبيله والقبيله جعلها ماتفقده
ربعي ليا من شانت الدنياء ووجه الوقت شان
ينصاهم الخايف ويامن مابعد خاب جهده
معبد معبد رجال الطيب من ماض الزمان
واهل الكرم يوم السنين القاسيات مشدده
يوم انها بحد الحراب وبالمراهيف السنان
حنا رجال الحرب وقت الحرب نار موقده
من روس حرب الفعل والتاريخ واهل الجبخان
محفوظه الافعال والتاريخ محد يجحده
حرب الدول لن كانها بالفعل والا باللسان
هذا ننشف ريقه وهذا وطينا جلمده
اليا نصينا ما اعترفنا فيك ياحزام الامان
نوصل الصدام لين نلحمه ف المقعده
واليوم امان وامن واخوانن تفاخر في خوان
شعب ووطن واحد وحنا له جنود مجنده
كلمات اغاني شبل الدواسر لا والله الا تو زان الجو والطاروق زان
غناء : شبل الدواسر
كلمات : مضحي المعبدي
الحان : شبل الدواسر