كلمات لولا الغياب مشعل بن عزاز
طول الغياب يزود اللهفة للحظات اللقاء
لو أنها لذة لقاء حسوا بها فالأقتراب
لكنها لذة غياب تصير وقت الالتقاء
ولولا الضماء ما حسوا العالم بلذة للشراب
زود الضماء برهان إن الماء ضرورة للبقاء
ولا تحس في قيمة هل المعروف سمحين الجناب
إلا ليا منه بلاك الوقت بأنذال وعقا
ولا أشد من طعن الاسنة والخناجر والحراب
يا كود طعنة فالظهر لأعز وأغلى الاصدقاء
ولا أنكل من جروح الصقيلات الرهاف أم النصاب
إلا جروح الصاحب اللي منه ما كنت تهقى
ولا يعرف قدر النايفات وليش عشقتها الذياب
يا كود منهو للعسير النايف الشاهق رقى
ولا يخرج الانسان من طوره ويفقده الصواب
إلا لا شاف اللي يحوس الجم وغيره ما استقى
ولا فيه شيء أقسى من اثنين الفقر والاغتراب
إلا خيانة جارك أليا أستامنك ثم أتقى
ومن لا طواه الجوع ما هو للنعم ضارب حساب
ولا تنسي المتعوس لحظات الترف مر الشقى
ولا ينشرح صدرٍ من الضيقة بتوسيع الثياب
شرحة بطويه للخبوت وخوته لأهل النقاء
كلمات اغاني مشعل بن عزاز لولا الغياب
غناء : مشعل بن عزاز
كلمات : طلال بن جفين
الحان : مشعل بن عزاز