كلمات ليالي الحلمية محمد الحلو
منين بيجي الشجن من اختلاف الزمن
ومنين بيجي الهوى من ائتلاف الهوى
ومنين بيجي السواد من الطمع والعناد
ومنين بيجي الرضا من الايمان بالقضا
من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار ل اهل وسكن
ليه يا زمان ما سبتناش ابرياء
وواخدنا ليه في طريق ما منوش رجوع
اقسى همومنا يفجر السخرية
واصفى ضحكة تتوه في بحر الدموع
ولفين ياخدنا الانين
لليالي ما الهاش عينين
ولفين ياخدنا الحنين
لواحةالحيرانين
ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له اول بكرة حيبان له اخر
وبكرة تفرج مهما ضاقت علينا
ولفين ياخدنا الانين
لليالي ما الهاش عينين
ولفين ياخدنا الحنين
لواحة الحيرانين
كلمات اغاني محمد الحلو ليالي الحلمية
غناء : محمد الحلو
كلمات : سيد حجاب
الحان : ميشيل المصري