كلمات ليل الشتاء سياف الاكلبي
والهموم اللي بصدري طويل ليلها
ي رفيقي لاتعذر ترى حملي ثقيل
فزعتك تجلى الهموم وتعدل ميلها
غلطتي مريت درب الهوى عابر سبيل
وعرضت لي ضامر الخصر قبل اومي لها
من سبايب طرف عينه غدا جسمي نحيل
كن في صدري جيوش تصاقل خيلها
الهوا لو فيه لذه وشربة سلسبيل
تجري الدنيا ومر الظروف تزيلها
من زرع صبخه من القاع مايلقى حصيل
مثل من يوفي مع ناس تبخس كيلها
خبروه ان ضامه الوقت واختار الرحيل
مانسيته لو أهل مصر تنسى نيلها
لا تخايل بارق الحب لو برقه يخيل
اكثر بروق المحبه مايدرج سيلها
من يخايل بارق الصيف مايلقى ذبيل
لو بروقه تبهج العين يوم تخيلها
وان سرا ليل الشتاء والشتاء ليله طويل
قصة العشاق دايم طويل ليلها
كلمات اغاني سياف الاكلبي ليل الشتاء
غناء : سياف الاكلبي
كلمات : ذيب المشعلي
الحان : سياف الاكلبي