كلمات ماري روز محمد اسكندر
ما قبلو نتجوز بعض بكرا منتجوز مدني
احسن ما الايام تمر واحسن ما نغلط بالسر
ولا نتفارق من غير شر ولا نطلب منهن حسنة
وشو فيها ان كنت محمد وان كنتي ماري روز
بدمع عيونك بتعمد والفرقة ما بتجوز
ودمي البعروقي تجمد بس قالو الدني حظوظ
انتي حظي وما بعوفك لو برصاص انرشيت
بعرف قراري مش سهل اتكلي علي ومايهمك
بالنسبة لموضوع الاهل امي بتروق امك
بيي وبييك على كل حال حفيدن بهدي البال
وبسامحنا كل ما انقال رح يهدر دمي ودمك
وحرام يتفرق قلبي وقلبك باسم الدين
يا عالم الله محبة لا تلوموا المغرومين
وفي ناس اوضاعن صعبة وع الليرة مخنوقين
مصاري سهرة خطبة بيدفهون قسط البيت
انتي عمري والنا حقوق احساسك مع احساسي
قلبي لقلبك مخلوق وراسك بيفهم راسي
انسانة حبت انسان هي منا قلة ايمان
لا بتاثر على لبنان ولا ع رجال السياسة
وبدن ننطر بلدنا تا يحل مشاكلو
منكون بالتخت رقدنا وبعدن بيتقاتلو
ومنعيش بالحد الادنى ع المر وع الحلو
لو كان ما بيكفينا خبز وزيتون وزيت
كلمات اغاني محمد اسكندر ماري روز
غناء : محمد اسكندر
كلمات : فارس اسكندر
الحان : سليم سلامة