كلمات مالك مجافي الناس محمود على الحاج
انحنا ناس جيرانك قضينا عشرة وصحبة
من يوم سكنت قصادنا مالك بعيد مابينا
لابترعى حق الجار لا العيد بجيبك لينا
واصلنا وادخل بيتنا عشان نجيك وتجينا
اصلو الصلات الطيبة واجب عليك وعلينا
من يوم سكنت الحي معانا ليك شهور
لابتمرق لابتجامل لا بتقضي مرة تشوف
وحتى الطيور بتوالي وتعيش وحيد مكسور
دايرين نوالفك نحنا وانت الولف مابيهو
الجار بخاوي الجار بإلفي ايدو والمافي ايدو
الناس توالف الناس منو البعيش وحديهو
انحنا ماقصرنا وانت العليك سويه
كلمات اغاني محمود على الحاج مالك مجافي الناس
غناء : محمود على الحاج
كلمات : غير معروف
الحان : غير معروف