كلمات ماما اربع حروف رامي رفعت
وذكريات حلوة فى قلوبنا عايشة ويانا
ماما يا أحلى كلمة من أربع حروف
معاها و بيها بتحدى خوفى واعدى كل الظروف
ومهما أقول وهحكى مش هوفيكى حقك
ولاهيساوى نقطة بتجرى فى بحر حبك
ومهما أقول و أعيد وجودك نفسه عيد
وفى كل يوم بيعدى بضحكة قلبك فرحنا بيزيد
بنكبر ويكبر حبنا جوانا
وذكريات حلوة فى قلوبنا عايشة ويانا
فاكرة أول هدية ليا حوشتلها بالشهور يا أمى
عشان افرحك فى عيدك أعبر عن حبى
فرحتى يومها وضمتينى بحب وحنان
منا فى حضنك بحس براحة بحس بأمااان
ووقت تانى من حياتى بسمع نفسك فى ايه
كان بيبقى هدفى اجيبه وأشوف فرحتك بيه
وفى عيدك النهاردة كلنا حواليكى
تاخدينى فى حضنك زى زمان واوطى ابوس ايديكى
بنكبر ويكبر حبنا جوانا
وذكريات حلوة فى قلوبنا عايشة ويانا
كلمات اغاني رامي رفعت ماما اربع حروف
غناء : رامي رفعت
كلمات : محمد كرم
الحان : رامي رفعت