كلمات ما عاد لي خالد حامد
تصد عني وتنساني
على الاقل يوم جيت تروح
ما قلت لي قبل تجفاني
ولا انت ما همك المجروح
اللي من اسبابك يعاني
مسموح لا ما انته ب مسموح
ف بعدك وصدك وهجراني
تعبت وانا اجي واروح
في سكة الشوق وحداني
وقلبي من مفارقك مذبوح
ياسبة الضيق واحزاني
وفيني من الحب ست جروح
وكل واحد اقسى من الثاني
لو يحزنك دمعي المفضوح
ابكاك ف الشوق ما ابكاني
اواه ياصوتي المبحوح
وضيقي وحزني وحرماني
والمشكلة لا بغيت ابوح
ضاع الحكي منك ف لساني
بالمختصر يامعني الروح
لاعاد بالله تحراني
ماعاد لي ف الهوى مصلوح
جاني من الحب ما جاني
كلمات اغاني خالد حامد ما عاد لي
غناء : خالد حامد
كلمات : محمد بن ساقان
الحان : خالد حامد