كلمات متستعجبشي متستغربشي اسماعيل ياسين
فى ناس بتكسب ولا تتعبشى
وناس بتتعب ولا تكسبشي
وريث له كام الف جنية
و ده غير ياسيدي خمس عمارات
يجى بسلامته اسم الله عليه
يعشقلى واحدة بنت ذوات
سعادة البيه
جته خزق عينيه
ولع سيجارتها بعشرة جنيه
تضحك فى عينيه وتكروت فيه
وتقوله هاتلى ابصر ايه
فلوس وجاتله يا ناس بلاش
وليه بقى ميجبلهاش
وهى تكسب ولا تتعبشي
وهو يخسر ولايكسبشى
في ناس بتكسب و لا تتعبشى
و ناس بتتعب و لا تكسبشى
متستعجبشي متستغربشي
وادى واحد تلميذ خيبان
شوفوا وجاهته بقي وبصوا له
يشرب في بلوه كمان دخان
وفى مدرسته بليد على طوله
فى الغراميات يكتب جوابات
لو تقرا فصاحته تقول ياسلام
وفى التاريخ ينزل تلبيخ
ولا يعرف سته x سته بكام
وابوه مسكين مهدود حيله
ده بيحرم نفسه ويديله
وكل ده ولا بيقدرشي
وابوه بيخسر ولا يكسبشى
واهي ناس بتكسب ولا تتعبشي
وناس بتتعب ولا تكسبشي
متستعجبشي متستغربشي
و اثنين ووجها من الاعيان
غاويين يا افندم لعب قمار
يقضوا طول الليل كونكان
تقولشي يعني مابينهم تار
فلان كسبان وفلان خسران
ونشوف العكس الليلة التانية
خسارة طوالى كل الليالى
وصاحب النادي له ع ال مية
يخبط عمولته المعتادة
ها يهمه ايه لا ده ولا ده
يفضل فى مكتب و لا يلعبشى
يعمل فى الوفات و لا يتعبشى
و ناس بتكسب ولا تتعبشي
و ناس بتخسر و لا تكسبشى
متستعجبشي متستغربشي
متستعجبشي متستغربشي
في ناس بتكسب ولا تتعبشي
وناس بتتعب ولا تخسرشي
ماتستعجبشي ما تستغربشي
كلمات اغاني اسماعيل ياسين متستعجبشي متستغربشي
غناء : اسماعيل ياسين
كلمات : حسين الخولي
الحان : اسماعيل يس