كلمات محطة قطارات محمد الشحي
انت الجهات الاربعه والمسارات
تفهم كلامي قبل اخلص كلامي
وان ييت لك بسكات ماروح بسكات
من تتصل شوقي يبان بسلامي
لاني احب صوتك وهالاتصالات
حتى اذا سكرت مدري علامي
امشي واوزع للبشر ابتسامات
رسمك مثل رسمات حازت غرامي
ركز على رسمك وبتشوف رسمات
واسمك احسه غير كل الاسامي
مافي حلو غيرك وهذي قناعات
وصفك سطى روحي وبريد عظامي
يوقف كلامي حين اصوغ العبارات
شمس الضحى مع لون بدر التمامي
مالريم ماخذ يا هنا العين لفتات
ورضاك عن قلبي محط اهتمامي
وزحمة احاسيسي محطة قطارات
عندك بداياتي وعندك ختامي
انته ختامي وانت كل البدايات
اشتاق لك حتى وانته امامي
ساعات وصلك كنها بعض لحظات
عساك تبقالي عطول الدوامي
لا فرقت بيني وبينك مسافات
كلمات اغاني محمد الشحي محطة قطارات
غناء : محمد الشحي
كلمات : نادر
الحان : محمد الشحي