كلمات محفل الطيب متعب الودعاني
في محفل الطيب حفيد العزازا
امفنّدين البن والفطّح الحيل
كن القهوجي عند ضيفه مجازا
واقف على ساقه من الصبح لليل
حازا الجمايل والجزيلات حازا
ماعاد باقي طالة للـ مشاكيل
------
اللحن الاول
تحت ضل سلمان الحزم والعزم بنعيش
على العز والطاله على الطيب والملّه
حماها من الحد الشمالي لوادي بيش
ومن منفذ الخفجي لجده تحت ضله
من الساحل الشرقي على طارف الكورنيش
يقول الزميلي والزميلي عبيدالله
من الوسم والهاجس خذى حالة التنطيش
ولافيه يومً جبت موال واشله
معيف الشعر كله ولدري سببها ليش
هذا والشعر عندي مفاريده وجلّه
وانا معطي الابيات نوع من التهميش
لوا بالتفت لشعر ياخوك بحتله
معي هاجس فعله مثل نقطة التفتيش
يفتش عن الابداع بالبحر ويشله
وانا اليوم حالف م اشرب الما ولا اكل عيش
الين اكتب اجداد الطواريق وابله
تركت اهل البيلوت واهل الكور والشيش
بعيد عن الازاجاع ومقابل الشله .
تخلويت بالهاجس وجبت الدرر تكيش
لجل حفل طيّب كل الامجاد واصله
وانا حافظ لساني ولاجيت جيّت ديش
نصايح شعر صقر النصافي ترى جله
هذا خالد اللي لاغدى بالوضع وتشويش
تقول ان ربي خالقه والسبب حله
ماقلّط ضيوفه ع المبرد ولا ام الريش
هذا حاشي امبرّك هذا طيْبً ودلّه
وربعه مافنشت المواشي قبل تفنيش
يوم ان الردي لاجاه ضيفه جته خله
بلي لابةً مابان به هافي ودرويش
بلي لابةً في صفحة المجد له حله
قضاعه قضاعه ماحصل للفعل تغبيش
من يعادي قضاعه دمع عينه يهله
ماكسبوا نعم بالقول والكذب والبخشيش
خذوها بحد السيف والرمح والسله
وتشهدلهم تغلب وطيّ ومضر وقريش
وقحطان تشهد له وعدنان تبعً له
------------------------------------
اللحن الثاني
سلام الله على منهو رخصنا العمر لعيونه
كريم وطيب وفعله مثل شمس الضحى شارق
يمينه لجل فعل الطيب والمدات مفتونه
الا جعله عقب يمنى ضعيف الشور والسارق
على اسمه كل علم ينومس العالم يسمونه
مثل سمّي جبل طارق على طارق جبل طارق
بثربه والجبيل وفي خميس مشيط وركونه
ذكر به بالحجاج الطلق ماهو ب اللهو غارق
ولد صالح نويصر والمواهيب الكرم دونه
وصالح من جهل صالح وصيته واضح وبارق
وانا ربعي سناعيس الجبل والموت يشرونه
ليامنه طرق باب الخطر والمعضله طارق
عسى اسمي لاحضر عند النشاما مايذمونه
وعساني لاحضرت ب لازمً سويت لي فارق
كلمات اغاني متعب الودعاني محفل الطيب
غناء : متعب الودعاني
كلمات : عبيدالله الزميلي
الحان : جفران بن هضبان