كلمات محور الكون ماجد خضير
ولا تعنّت عيوني في سهرها
إن قلت كلي عتب وإن قلت ممنون ؟
مشاعري في عيونك ما أحصرها !
هي محور الزين وأنتي محور الكون
أنا كذا معتبرك ومعتبرها
وش لون ما أمطرك حب وشعر وش لون ؟!
الحب لك والقصايد فيك ترها
وش أوصف وكل شيٍ فيك مزيون !
ومافيه ليلة عمر منتي قمرها
كم قلب في حسنك الفتّان مفتون ؟
وكم عين من لمحة أصبحتي نظرها
ما أقول يبطون عنك أقول يفنون !
أرقامك الفارقة محدٍ كسرها
في جنبك البدر أشوفه باهت اللون !
وكل البساتين ما يغري زهرها
جسدك طلعٍ نضيد ودر مكنون
وحدايقٍ وردها عانق ثمرها
منك الصبا والصبايا لو يغارون
وش عاد وقلوبنا جبتي خبرها
تمايلي وإلعبي بإبداع وفنون
مع ميلتك مالت الأرض وبشرها
مثلك يقولون ولا ما يقولون
تفل الأشعار لا فلّت شعرها
أنتي بعيني يقين وغيرك ظنون
قصيدةٍ يغرق الشاعر بحره
منتي بليلى وأنا مانيب مجنون !
أنا التفاصيل وأنتي مختصرها
معلومات الاغنية
كلمات : نايف معلاّ
تسجيل : تون لايف
هندسة : عبدالرحمن الشهري
جرافيك : ناصر البقمي Nasser I
كلمات اغاني ماجد خضير محور الكون
غناء : ماجد خضير
كلمات : نايف معلا
الحان : ماجد خضير