كلمات مره محمد علي
قلي متى هالعين تهنى برؤياك
طال البعاد و غيبتك لي مضره
اتعبتني و اهلكت محبوبك إهلاك
باغتني بالحب و بحين غره
ما كان في بالي احبك و لا اهواك
خذيت قلبي يم قلبك تجره
صارت حياتي ماشيه حسب دنياك
حيرتني مره و مره و مره
مديت لك يمناي و ابعدت يمناك
للحين باقي و حيرتي مستمره
لو انت تبغاني مثل ماني أبغاك
الشوق لك فيني غدى مثل جمره
تكوي وتحرق بالحشى بعد فرقاك
الحب حلوه معك يشبه لمره
لاني معاك و لا قويت إني أنساك
ياليت لو حنت عيونك بنظره
و افرحني بطلة و مبسم محياك
ماتشوف حالي كيف يرضيك كسره
الليل كله مشغل البال ذكراك
مسكين قلبي عظم الله أجره
يصبر على حبه و على شوق لقياك
حتى العدو ما صار حالي يسره
إرحم حبيب ميت في سجاياك
كلمات اغاني محمد علي مره
غناء : محمد علي
كلمات : تركي السديري
الحان : محمد علي