كلمات مروين الشباء والشلافي جفران بن هضبان
اصدحي لي بقاف يطرب اللي يشله
مرحبا عند ابو سلطان ترحيب وافي
اقلطوا يا ضيوفه وارحبوا في محله
في محل الوفاء واهل الوفاء البال صافي
روس قوم سمو مثل الجبال المطله
والله انا على شوف النشاما مشافي
سوقوا العود للضيفان ويساق دله
يا شباط احتزم بي يالعديم السنافي
محزمك في اللزوم وسيفك الي تسله
ذخر جدي ملاذي في الليلي العجافي
ابلجن لانصيته كل صعبا يحله
والمشاعر تسابقني لمدح آل ضافي
ترثت الشايب الي جعل كلش فدله
الفتينات مروين الشباء والشلافي
عزوتن سعد منهم في اللقاء فزعة له
لاد مشعب هل الطالات والاسم كافي
يوم كل فعوله تنكتب في سجله
كل فعل عليه شهود ما هو بخافي
في نهار المصيده خصمهم وش حصل له
كن ضرب المزرج والسيوف الرهافي
مثل صوت الرعد في المزنه المستهله
كلمات اغاني جفران بن هضبان مروين الشباء والشلافي
غناء : جفران بن هضبان
كلمات : عبدالرحمن بن خالد المشعبي
الحان : جفران بن هضبان