كلمات مشكلتى اني احبك ايان
مافيه يوم هجوس الفكر عنك سلا
لا ياوجودي على لاماك فوق الوجود
احب قربك لون قربك عذاب وبلا
مشكلتي اني احبك حب ماله حدود
ومشكلتك انك تبيع وتشتري بالغلا
اسامر النجم لجلك والخلايق ارقود
دخيلك ارحم خفوق معلن إلك الولا
ياعل يوم الزعل من بينا مايعود
من يوم شفتك وانا همي وضيقي جلا
سعادتي في نظر عينك وحمر الخدود
وجدايل غار منها اليل يوم اقبلا
لبة نحر تذبح العاشق وقلب ودود
ومبيسم كالعسل حالي وكلك حلا
يفوح من منطقك مسك وعنبر وعود
وصايفك ماتعدد ياضبي الفلا
اليا وطيت المحل ينبت بثرك الورود
تصوير رب العباد الي بعرشه علا
حسن وجمال وعقل واخلاق دايم تسود
من لاهوى مثلها بالخلق والا فلا
يحفظك ربي بحفظه من عيون الحسود
عساك تسلم ياروحي من شرور الملاا
الله لايجيب يوم به فراق وصدود
اموت واحي تحت رمشك وقولة هلا
كلمات اغاني ايان مشكلتى اني احبك
غناء : ايان
كلمات : غير معروف
الحان : غير معروف