كلمات مشهد التوديع فهد الهويملي
من الدافع اللي فيه الاحساس يدفعنا
مزيج الشعور اللي تفجر من الانصات
وتكون على هيئة شعر دافع ومعنى
بليلٍ هدو مال البشر والطيور اصوات
انا والقلم والفكر مافيه احد معنا
على هامـش الافكار ناخذ لنا سجـات
نروم الفضا مايوم تهنا و لا ضعنا
ولكنّ ماش اقشر من الحزن واللوعات
لو انّاا دلهنا الوقت لابد يرجعنا
لذاك المكان اللي سكونه سكون اموات
مع الذكريات اللي نسينا بيجمعنا
بعد همْدت حبال المواصل من العثرات
لو إنا سمعنا العذر وش عاد ينفعنا
ورود الغلا ذبلت ومـوعد لقانا فـات
وعلى مشهد التوديع سالت مدامعنا
على شان زله؟ ليه ماندمح الزلات
ونصبر على الاحداث لو كان توجعنا
ترى العمر مره والليالي لها دورات
ومرٍّ بها نفرح .. و مرات تفجعنا
وفيها الظروف اللي تهد العزم والذات
ومنها الاراض السبع ماعاد تاسعنا
على الجور نصبر لجل مايفرح الشمات
نعيش الفرح لو ان الاحزان واقعنا
زمانٍ من احداثه غدنّ القلوب اشتات
على ضوء شيّ لا تبيّن و ولا اقنعنا
ننادي بعال الصوت وًاللي ننادي مات
ولو كان فوق الارض يمديه يسمعنا
صبرنا على الزله وهر ج بليا اثبات
مقاوم ضعيف النفس ماهوب رافعنا
عسى الله يصبرنا عل اللي مضى والآت
بوقتّ به الجهال تجهل مواقعنا
لنا بصمةٍ تبقى وسلم ولنا عادات
ولنا حاجزٍ عن معظم القول يمنعنا !
كلمات اغاني فهد الهويملي مشهد التوديع
غناء : فهد الهويملي
كلمات : تركي سعد البدراني
الحان : فهد الهويملي