كلمات مش كل اه حكيم
واه نقولها سنين بطولها واه قلوبنا تداريها
مش اى واحد بيغنى بيبقى فرحان متهنى
دا انا بغنى على جروحى وغنايا بيخفف عنى
انا اللى ضيعت شبابى على الى فاكرهم احبابى
ضحيت كتير لكن هما اتسببوا كتير فى عذابى
الكل فى الشدة فاتونى وبالجروح زادوا همومى
استكتروا الفرح عليا برئ وناسى اتهمونى
يا دنيا ليه قاسية عليا خفى الهموم عنى شوية
على دموعى بنام واصحى لما خلاص مابقاش فيا
انا اللى ببكى فى يوم عيدى والدم بيصرخ فى وريدى
مش لاقى حد يقف جمبى ولا لاقى حد ياخد ايدى
الاقى مين يحمل همى لا خالى يقدر ولا عمى
ومين اروحله واشكيله من بعد ابويا وبعد امى
انا اللى زادت بحنينى مش لاقى صاحب يحمينى
حمولى زادت عن طاقتى وبقيت فى سنى سابق جيلى
اشكى لمين ع اللى جرالى ومين هايسمع موالى
الشكوى للعبد مذلة ارحم بقى يازمن حالى
انا اللى طول عمرى بقاسى وحياتى مليانة ماسى
عايش وحيد فيكى يادنيا غريب ما بين اهلى وناسى
يادنيا هاتى وكمان هاتى مين اللى حاسس باهاتى
حبايبى مش حاسين بيا ولوحدى فايتنى ليلاتى
يازمانى ماقدرش اعاندك ولا اعرف ايه مكتوب عندك
ادينى من الفرح نصيبى ولا مليش افراح عندك
واه نقولها بسنين بطولها واه قلوبنا تداريها
كلمات اغاني حكيم مش كل اه
غناء : حكيم
كلمات : شوقي صقر
الحان : حمدي سكر