كلمات مش نازل وائل نصر
نفسي أستوعب إيه اللي جرالي
ليه دايما لازم أصحى بدري
وليه بالشغل أنا شاغل بالي
ليه الدنيا تملي عليا
ليه أصرف بنزين عربية
ليه مستعجل كل شويه
وبقيت دماغي على طول مش فيا
نفسي أنام نفسي أطنش
ما أنا كده كده مش عارف أحوش
فخلاص بقى ماهي كده مش فارقة
بص يا باشا من الآخر
أنا مش نازل
أنا أنا مش نازل
مش طالع أنا ولا نازل
أنا أنا مش نازل
يووووووه
نفسي أعيش كدا ملك زماني
أصرف أكلف وأنا فى مكاني
أخرج أسهر أسافر أغامر
وأعيش باشا في عالم تاني
طب ما أنا عايش العيشة بالعافية
و أفضل أعامل ناس مش صافية
شغل كتير والطاقة في النازل
أنا بتلكك أنا مش نازل
ليه مدير سايكو يزعق فيا
وإيجار نور تصليح عربية
خناقات شغل ومرمطة فيه
و عن صحتي أنا
أنا مش متنازل
مش طالع أنا ولا نازل
أنا أنا مش نازل
نفسي أنام نفسي أطنش
ويبقي معايا فلوس و أحوش
وأنسى أنا همي وأفضل أروش
وجع دماغ وديون على إيه
نفسي أناملي نومة طبيعية
نفسي يا ناس أرتاحلي شويه
فخلاص بقى علشان أنا مش قادر
طول ما مفيش تقدير
يبقى أنا مش نازل
أنا أنا مش نازل
مش طالع أنا ولا نازل
أنا أنا مش نازل
كلمات اغاني وائل نصر مش نازل
غناء : وائل نصر
كلمات : اسراء البنا
الحان : وائل نصر