كلمات مصر اليوم في عيد شادية
ياللي من البحيرة وياللي من اخر الصعيد
ياللي من العريش الحرة او من بور سعيد
هنوا بعضيكم وشاركوا جمعنا السعيد
سينا رجعت كامله لينا ومصر اليوم
مصر اليوم فى عيد
الف ميت مبروك علينا بالسلام
حقنا عاد بين ايدينا بالتمام
واحنا حنصونوا فى عينينا ع الدوام
اصل مافي ع الاراده اى شئ بعيد
سينا رجعت كامله لينا
ومصر اليوم فى عيد
ليل نهار عاهدوني نبني ليل نهار
لجل مصر بلدنا تبقى فى ازدهار
نبني ونحولها جنه بالعمار
والامان ضليله فوقنا وكل ايد فى ايد
سينا رجعت كامله لينا
ومصر اليوم فى عيد
بكرة احلى م النهارده
بكرة ياجيلنا الجديد
تحصدوا خير مازرعنا
والجميع يسعد اكيد
مصر علشان تقوى بينا
لازم الانتاج يزيد
والكلام مش وقته خالص
العمل هو المفيد
سينا رجعت كامله لينا
ومصر اليوم فى عيد
كلمات اغاني شادية مصر اليوم في عيد
غناء : شادية
كلمات : عبد الوهاب محمد
الحان : عمر الجيزاوي