كلمات مصر بلد الخير لطيفة
والترزى بيلضم فى زراره والاستاذ ماسك الطباشير
طول ما البنا بيبنى يعلى والطالب فى دراسته تملى
فى ناس فى كنايس بتصلى فى ناس بتلبى التكبير
ماتقولش بلدنا مافيهاش خير ماتقولش بلدنا مافيهاش خير
فيها كل الخير فيها كل الخير
طول ما التاجر وسط تجارته والعسكرى واقف فى اشارته
والعامل بيادى رسالته ويخدم بلده بدون تفكير
طول ما الفلاح جوه غيطانه والرسام ماسك الوانه
والفنان بيعزف الحانه والشيخ بيرتل ترتيل
ماتقولش بلدنا مافيهاش خير ماتقولش بلدنا مافيهاش خير
فيها كل الخير فيها كل الخير
طول ما الجمهور جى يشجع والدكتور جنب اللي اتوجع
وفريق يحلم بالكاس يرجع علشان يسعد شعب كبير
شعب اصيل زى الاهرام ماتهزوش اصعب ايام
يعبر ويحقق احلام مصر غنيه بشعب اصيل
ماتقولش بلدنا مافيهاش خير ماتقولش بلدنا مافيهاش خير
فيها كل الخير فيها كل الخير
كلمات اغاني لطيفة مصر بلد الخير
غناء : لطيفة
كلمات : عبد الوهاب محمد
الحان : صلاح الشرنوبي