كلمات مصيرو الحى بلاقى هاشم ميرغني
مهما طال زمن اشتياقي
وأصلي راجع لعيونك
ما مصيرو الحي بلاقي
بقيت بغيرك زول بيعيش
في وسط ضباب
حتى الليالي بقت تألم
رسمت على عيوني العذاب
ما مصيرو الحي بلاقي
مهما طال زمن الغياب
ما مصيرو الحي بلاقي
رغم البعد والأميال
رغم البينا من آمال
راجي الدنيا تبسم لي
أكتب فيك كلام ما أتقال
لا سمعوه قبالك
لا أتردد صدى وموال
أزرع بيهو صحاري الريد
من دون مويه لا تربال
ما مصيرو الحي بلاقي
كلمات اغاني هاشم ميرغني مصيرو الحى بلاقى
غناء : هاشم ميرغني
كلمات : غير معروف
الحان : غير معروف