كلمات مطر مطر ميحد حمد
ويخـضـر ويذعـذع نـسـيم البـرادي
والعـشب فوق العـشب يبني له صروح
فـي وادي رابـي على ظهـر وادي
لكـن حـمـام الـدوح ما لـه مـن الـنــوح
صـده لو ان العـيـد شـارقه بـادي
حـمامة الـوادي ترى الصـوت مبحـوح
نوحي لكن نوحي بشكـل اعـتـيادي
الـحـزن بـرقـه كـل لـيـلــه لـي يـلـــوح
أحب أحـزن بس في جـو هـادي
ضايـق ما أدري ويـن انا أبـغـي اروح
رغـم النجاح اللي صنعـه انفـرادي
لـو ان لاعــداء الـنجـاحـات مـصـلوح
يـتــمـتهـا لـكـن لا يا أعـــادي
وكفوف أصحاب الكرم ماهي شحـوح
وطموحهـم دايـم وهو في ازديـادي
تشـرق مكارمهـم على الأرض وتفوح
أذكـارهـم فـوحـة بخـتـري وكـادي
وفكري وحش في روض الابداع مطروح
نادر ولا يعرض في سوق المزادي
لانـسـان حـفـنـة طيـن نـفـخ بهـا روح
تـكـونـت عـلى شـعـور و مـبـــادي
فـــــزاع حـزنـه سـر ماهو بمـفـضوح
لو ينـفـضـح يمـكن يـثـور الزنـادي
ضيقة شعوب الأرض يا عاشق البوح
ماهي مثل ضـيـقة شـيـوخ البـلادي
عـنيـد لو قـلـبي مـن الحـزن مجـروح
ولا اعرف وش هو سبب هالعنادي
يمـكـن لأن العـمر مجـموعـة جـروح
والا لأنـي شـخــص ماهـو بـعــادي
كلمات اغاني ميحد حمد مطر مطر
غناء : ميحد حمد
كلمات : حمدان بن محمد
الحان : فايز السعيد