كلمات مفارق ليه علاء الكاشف
كأنك هش
كأن القلب ده ماعافرش
إيديك بارده وعينيك نامت
كأنها نكته ماتضحكش
خلاص سلمت
ومش فارق معاك الوقت
ولا فارقه معاك صحبه
ولا سامع ندا من حد
مفارق ليه
ليه ما اخترتش تكون موجود
لوحدك ليه
بتختار انك انت تموت
ولكن بص
ناقص كام حاجه منك بس
نسيت تمضي انصراف للخوف
نسيت تمضي حضور للشمس
نسيت تضحك
نسيت تكتب هنا اسمك
وعدَي العمر كله عليك
نسيت تبعت تجيب نفسك
مفارق ليه
ليه ما اخترتش تكون موجود
لوحدك ليه
بتختار انك انت تموت
فيه لسه حاجات ماقولتهالكش على اعتذارات وكام دمعة
فيه لسه سلام وحضن بطول كل سنين الغياب بينا
مفارق ليه
ليه ما اخترتش تكون موجود
لوحدك ليه
بتختار انك انت تموت
كلمات اغاني علاء الكاشف مفارق ليه
غناء : علاء الكاشف
كلمات : رنا محمد احمد
الحان : علاء الكاشف